Бастакы Хомустаахтан Акулина Ильинична уонна Семен Семенович Колесовтар 60, Хамаҕаттаттан Саргылана Николаевна уонна Герасим Герасимович Дорофеевтар, Модуттан Дария Ивановна Ядрихинская уонна Ион Ионович Васильев 55, Ленскэй нэһилилиэктэн Ирина Ксенофонтовна Бугаева уонна Алексей Прокопьевич Чесноков, Хамаҕаттаттан Татьяна Даниловна уонна Прокопий Николаевич Канаевтар, Модуттан Елизавета Петровна уонна Дмитрий Георгиевич Ядрихинскайдар, Иккис Хомустаахтан Анастасия Захаровна уонна Владимир Егорович Колесовтар 50 сыл эн-мин дэһэн алаһа дьиэ тэринэн, оҕо-уруу тэнитэн бииргэ олорбуттарын үөрүүлээхтик чиэстээтилэр.
Бу сыллар тухары тапталынан угуттанан, үлэҕэ эриллэн, оҕолорун улаатыннартаан, тапталлаах эбэ-эһэ, хос эбэ уонна хос эһэ буолан олороллор. Үөрүлэхх быһыыга-майгыга кэргэннии буолуу туоһу сурукка илии баттаатылар уонна өйдөбүнньүк сибидиэтилистибэ ыллылар.
Улуус баһылыга Юрий Слепцов бэйэтин эҕэрдэтин эттэ, алгыһын анаата уонна «Дьиэ кэргэн килбиэнэ» анал бэлиэни, ону сэргэ улуус дьаһалтатыттан дьиэ кэргэттэргэ биир кэмнээх харчынан сертификаттары туттарда.
Улуустааҕы дьиэ кэргэн уонна ыччат политикатын отделын салайааччы Екатерина Евстафьева маннык үөрүүлээх тэрээһин үгэскэ кубулуйан ыытылларын бэлиэтээтэ уонна тэҥҥэ ыытыһар тэрилтэлэригэр, нэһилиэктэр дьаһалталарыгар махталын тиэртэ. Ону сэргэ ытык кубалаах остуолга ууруллар бэлиэлэри бэлэх уунна.
Салгыы нэһилиэктэр баһылыктара, чиэстэнэр ыалларбыт оҕолоро, аймахтара бэйэлэрин эҕэрдэлэрин тиэртилэр, сэмэй бэлэхтэрин туттардылар.
Бүгүҥҥү үөрүүлээх күҥҥэ киэн туттар ытык-мааны дьиэ кэргэттэрбитин эҕэрдэлиибит. Баҕарабыт кытаанах доруобуйаны, дьоллоох уһун үйэни.
«Нам улууһа» МТ пресс-сулууспата
